Ég berst á fordi fráum... ... fram úr chevy bláum þeysi ég!!!!

Ég óttast að það sé engin ásteitingasteinn

Mon, 17 Sep 2007 18:43:22 GMT

Yfirbaukur rýfur þessa útsendingu til þess að færa ykkur nýjustu fréttir.

Farþegar um borð í flugvél Cantsee Athing flugfélagsins voru skelfingu lostnir þegar komst upp að enginn annar en stórsöngvarinn Andrea Boccelli sat við stýrið. Hópurinn varð þó mjög fljótlega rólegur þegar hann var búinn að sannfæra þau um að hann væri með réttindi til blindflugs og það var þoka.

Alríkisdómstóll Bandaríkjanna áréttaði svo í morgun að allir raðmorðingjar sem dæmdir yrðu til lífláts með rafmagnsstól skyldu raðtengdir við hann.(Þó aldrei nema einn í einu)

Matsveinn óskast á 30 tonna línubát sem stundar sjórán í grennd við Jan Mayen og Haítí, skilyrði að hann geti eldað 365 uppskriftir sem innihalda romm og eina sem inniheldur kjaftforann páfagauk og spili á harmonikku. Umsækjendur sendi flöskuskeyti til Margeirs Svartfugls.

Ljósmyndara fréttastofu Yfirbauks brá heldur betur í brún þegar hann var á rölti um skóglendi í nágrenni við Akureyri en þar sá hann frekar róttækan íkorna á hnetuveiðum. Ekki er þó með vissu vitað um árangur veiðanna.

Tónlistarhornið:

Lag dagsins: Að sjálfsögðu Mótorsport-lagið

Veðurfregnir og sjóveðurspá að þessu sinni er stutt. Það verður skítaveður og kuldi.

Þá verður ekki fleira í þættinum í kvöld, veri þið sæl

Kv. Yfirbaukur

P.s. Chevrolet-menn þið eruð ennþá hálfvitar.

Einfættur maður getur átt í mesta basli með að standa á sér...

Thu, 08 Mar 2007 18:24:54 GMT

Yfirbaukur hefur verið settur á samgönguáætlun með því yfirskini að brúa bilið milli landsmanna og lífsgleði.

Fréttir eru lesnar af Helga Skúlasyni heitnum í sama tón og hann las Nóttin var sú ágæt ein.

Knattspyrnufélagið Fram leitar að sóknarmönnum fyrir tímabilið 2007. Æskilegt er að umsækjendur hafi að minnsta kosti grunnþekkingu á leikreglunum og viti hvernig fótbolti á að snúa þegar honum er stillt upp fyrir vítaspyrnu. Framsóknarmenn eru þó ekki hvattir til að sækja um, nema kannski í KR.

Sá kvittur um að Reynisstaðabræður hafi nokkurn tíma gengið aftur hefur verið kveðinn niður, þeir hættu aldrei að ganga í fyrsta skpitið og komu til byggða á fjórða tímanum í gærmorgun. Ferðaleiðina gátu þeir því miður ekki gefið upp en talsverð þoka var á leiðinni.

Árlegir styktartónleikar Landsvirkjunnar verða haldnir næstkomandi laugardag í Laugardal. Fram koma margir þjóðþekktir tónlistarmenn og stuðboltar. Tónleikarnir eru unplugged.

Ársuppgjör á Samsölubakaríi greinir frá því að fyrirtækið hafi skilað methagnaði á síðasta ári. Hagnaðurinn nemur átta skúffukökum og fjórum vínarbrauðum á dag. Hérastubbur bakari er að vonum hæstánægður með afkomuna en hann tók við forstjórastólnum um miðjan mars.

Drekabanar og aðrar hetjur, munið þorrablótið 4. apríl næstkomandi. Það verður haldið á Humarhúsinu og leikur Hinn íslenski þursaflokkur fyrir dansi, makar eru mjög óæskilegir.

Áríðandi orðsending til chevrolet áhugamanna: Þið eruð HÁLFVITAR!!

Frumkvöðlar í ferðaþjónustu hér á landi eru byrjaðir að markaðsetja nýja kynslóð hestaferða sem ganga undir nafninu Taumlaus gleði. Ferðirnar sem eru algjörar óvissuferðir fara þannig fram að sögn Hallgríms Saxa Hjaltalín, eigandahestaleigunnar Hott! hott! horses, ferðamaðurinn er útbúinn með 1 hest, 1 hnakk og 3 brennivíns flöskur og fyrir 500 krónur aukalega getur hann fengið hjálm. Síðan fer hann af stað, taumlaus, og hesturinn ræður hvert verður farið. Miklar vonir eru bundnar við að þessar ferðir verði vinsælar meðal japanskra auðmanna.

Íslenska ríkið ákvað í síðustu viku að greiða fórnarlömbum hinna harðsvíruðu og óprúttnu skemmdarvarga Karíus og Baktus skaðabætur sem hlotist hafa að völdum tvímenninganna. Karíus og Baktus voru síðan settir í (tann)steininn.

Flosi Samúelsson var kampakátur þegar hann fékk tékkann í hendurnar.

Iðntæknistofnun auglýsir:

Boðið verður upp á í haust sveinspróf til jólasveins. Skráningarfrestur til 10. júní.

Hundur er oft dýr í rekstri, einkum og sér í lagi á haustin.

Veðurfregnir og sjóveðurspá:

Heiðskírt verður á landinu fram eftir árinu, nema á Bíldudal en þar verður mikil Austfjarðaþoka í bland við misstóra fellibyli.

Veðrið á miðunum verður eitthvað á þá leið. Bjart fram eftir degi en tekur að dimma þegar líður að kvöldmat, hiti á bilinu -17°C til 23°C.

Ekki er fleira í fréttum að sinni, Yfirbaukur er farinn.

p.s. Yfirbaukur vill árétta að öll mótmæli og leiðréttingar skulu sendar handskrifaðar í ábyrgðarpósti til embætti Tollstjóra.

...og lag dagsins er að sjálfsögðu Mótorsportlagið.

Yfirbaukur setur þá á svartann lista sem lesa ekki fréttirnar!!!

Wed, 10 Jan 2007 14:01:15 GMT

Góðir landsmenn, og vondir, nú verður fluttur fyrsti fréttatími ársins sem á annað borð er markverður, áreiðanlegur og skemmtilegur.

Yfirbaukur les:

Ef marka má spár sérfræðinga mun nokkuð verða um andlát á árinu.

Landsamband Klæðskera sendi frá sér svohljóðandi yfirlýsingu á dögunum: Jakki er ekki frakki nema síður sé.

Talsvert bar á mannshvörfum yfir nýstaðnar hátíðar, lögregla hefur handsamað grunaðann, hann er svartur, loðinn, skapstyggur og svarar nafinu Jólaköttur. Erfiðlega gengur að ná upp úr honum nokkru öðru en hárkúlum.

Matsveinar og gullsmiðir hafa um langt skeið eldað saman grátt silfur en verið er að vinna að sáttum milli þessara stétta.

Hagsmunasamtök álfa og huldufólks hefur leitað til ríkisstjórnar Íslands og farið fram á að svo kallaðar álfabrennur verði aflagðar eða þeir grípi til þess ráðs að halda mannabrennur til að sýna fram á alvarleika þessara grimmdarverka.

Oft kemur senjórítan spánskt fyrir sjónir.

Alheimssamtök Gúmmítöffara voru stofnuð við hátíðlega athöfn í sóðalegu bakhúsi í Soho-hverfinu í London. Þeir ætla loksins að standa saman við að reyna að bæta ímynd sína. Yfirbaukur hefur það hins vegar eftir mjög öruggum heimildum að þeir verði alltaf mjög kjánalegir. Stofnendur eru þeir Geir Ólafsson, Justin Timberlake (J.T. eins og hann vill láta kalla sig, KJÁNALEGT!!) og Friðrik Ómar.

Orðið á götunni er það að Guðmundur vinalausi útgerðarmaður og eigandi Brims sé ekki alveg vinalaus. Talnaglöggir sérfræðingar á vegum fréttastofu Yfirbauks hafa raðað þeim vinum Guðmundar niður í tvo flokka en þeir er:

#1 Vinir sem hann er búinn að svíkja.
#2 Vinir sem hann á eftir að svíkja.

Stefáni á Útistöðum, heiðursfélaga Skotveiðifélags Íslands, var nýverið skotið skelk í bringu þegar hann skaust á skoteldamarkað hjálparsveitar skáta. Þar átti að svindla á honum og selja honum flugelda á uppsprengdu verði, hann hins vegar skaut þeim ref fyrir rass og verslaði sína flugelda annars staðar.

Vorum að fá sendingu af mjög gæfum Bengal-tígrum og eigum von á lítilli sendingu af Afríku-fíl.
Gæludýrabúðin Kötturinn í sekknum.

Þá er Yfirbaukur þurrausin á nýju ári.

p.s. Yfirbaukur vonar að þið stundið lifnaðarhætti sem stuðla að hjartasjúkdómum, háu kóesteróli og lifrarskemmdum á þessu ári, það ætlar Yfirbaukur að gera. Þangað til næst, varist eftirlíkingar.

HA!!!!!

Mon, 20 Nov 2006 20:19:22 GMT

Yfirbaukur fékk loks aukafjárveitingu til fréttaflutnings af fjárlögum ríkisins.

Farfuglar eru vinsamlegast beðnir um að venja komu sína til Keflavíkur þar sem allt millilandaflug um Akureyrarflugvöll er í endurskoðun og verður lagt af ef ekki verða gerðar úrbætur á flugbrautinni.

Leiðrétting á síðasta fréttatíma: Strengjakvartett leitar ekki að flautuleikara heldur saxófónleikara. Yfirbaukur biðst ekki afsökunar á þessum ruglingi.

Vegna flutninga í minna húsnæði fæst fyrir lítið fé uppstoppaður Tyrannosaurus rex. Lítið viðhald og þarf ekki að fóðra. Hafið samband við Dísu á Hrafnistu, Hafnarfirði.

Sá kvittur hefur verið á kreiki um nokkurt skeið að innrásin í Írak sé nú algjörlega komin í hundana. Þetta hefur nú fengist sannað. George W. Bush tjáði sig um málið og þvertók hann fyrir allar sögusagnir, hann sagði orðrétt: "uhh aaaa U.S. ah dog iih wahhh eeehh nohh". Hann var hvorki tekinn trúanlegur né skiljanlegur.

Órbreyttur Snati mundar hólkinn.

Sjóræningi óskast á 30 tonna línubát sem gerir út frá Tálknafirði. Þarf að vera liðlegur með bæði bjúgsverð og framhlaðning, æskilegt að viðkomandi geti líka mannað fallbyssu ef svo ber undir. Umsækjendur sendi flöskuskeyti til Margeirs Svartfugls.

Ný könnun sem gerð var fyrir Iðntæknistofnun um skapgerð iðnaðarmanna hefur leitt í ljós að: Rafvirkjar eru oftast í stuði, smiðir mæta oft timbraðir, píparar eru mjög oft í fýlu, múrarar eru fífl og bifvélavirkjar eru oft í basli með að koma sér í gang. Sláandi niðurstöður. Veggfóðrurum var sleppt úr þessari könnun en hverjum er ekki sama um þá.

Refsidómar fyrir órefsiverð athæfi voru hækkaðir í dag.

Ó, já! Ég ætla að fá eina fiskisúpu með öllu.

Þar sem ég verð upptekinn þessa og næstu viku bið ég almenning að skjóta engum ref fyrir rass á þessu tímabili. Með fyrirfram þökk Mikki.

Batman, Superman og fleiri ofurhetjur eruð þið að fá greitt eftir taxta? Kannið málin og hafið samband, Stéttarfélag ofurmenna og þeirra sem fara í brókina utan yfir.

Bronco eigendur munið! Þið eruð merkilegir og heimurinn elskar ykkur.

Þá að veðri:

Yfirbaukur lifir í von og óvon um veður og óveður.

Þá er fjárveiting Yfirbauks til fréttamála búin að þessu sinni.

I fullkomnum heimi er ekki framleiddur bjór. Þar eru menn með bjórkirtla í staðinn fyrir munnvatnskirtla.

Tue, 07 Nov 2006 01:27:01 GMT

Fréttir!!! (öskrað mjög grimmilega)

Nú standa yfir tökur á Mission Impossible 4. Nýja myndin fjallar að mestu um það sama og hinar myndirnar þrjár þ.e.a.s. gera eitthvað fáránlega hættulegt og heimskulegt og bjarga heiminum.

Aðalleikarinn Tom Mús við tökur á einu áhættuatriði.

Róbert Jakobsson ofurlögga er kominn á eftirlaun. Hann er af mörgum talinn einn afkastamesti lögregluþjónn sem sögur fara af. Íslenska ríkið og alþjóðasamfélagið þakkar honum vel unnin störf.

Róbert Jakobsson eða Robocop eins og hann var kallaður í útlöndum.

Enskir málfræðingar hafa komist að uppruna orðsins PIANO. Þetta orð varð til þegar dóttir fyrsta pianosmiðsins, Fred Flygil, var að leika sér að sköpunarverki föður síns. Þá baðaði kallinn út höndunum og sagði hátt: Pia no!! Dóttirin hét Pia.

Innrásinni í Normandí hefur verið frestað vegna yfirvofandi óveðurs. Reynt verður að fara inn um leið og veðri slota...

... afsakið þetta er gömul frétt.

Starfssvið Hólabiskups var aukið til muna í gær. Hann er nú bæði biskup hóla sem og hæða og þúfna. Hann hefur nú í nógu að snúast og verður ekki til viðtals fyrr en um páska.

Strengjakvartett leitar að flautuleikara. Hafið samband við Bílgreinasambandið.

Týndi hlekkurinn fannst við uppgröft í Árnessýslu. Ef einhver hefur einhver not fyrir hann er bent á að hægt er að nálgast hann í frystigám á hafnarsvæðinu í Hveragerði.

Hass-hundurinn Snati á keflavíkurflugvelli er kominn í meðferð. Að sögn umsjónarmanns hans fékk hann slæm fráhvarfseinkenni þegar hann fór í sumarfrí, þá hafði hann verið að "sniffa" kók í langann tíma.

Námskeið verður haldið í nótnalestri verður haldið eftir hálfan mánuð í skíðaskálanum í Hveradölum. Kennari er Stevie Wonder.

Staðfestir hafa verið comeback-tónleikar Elvis Presley sem haldnir verða 29. febrúar 2007, gestasöngvari er John Lennon.

Geitin fræga er loksins orðin fræg. Henni hefur verið stillt upp á stall með ekki ómerkilegri manni en Kalla prent. Þau deila nú saman titlinum "Leiðinlegasti róni norðan Alpafjalla og sunnan Grímseyjar". Emúfuglinn hefur hins vegar bætt sitt ráð og er orðinn stjórnarformaður Actvis, Kolaportsins og Bæjarins bestu.

Nýliðaskráning er hafin hjá Hamas-samtökunum. Þægilegir vinnutímar, góð laun og stórir bónusar fyrir hverja vel heppnaða sjálfsmorðsárás. Upplýsingar á skrifstofu.

Ef þú ert uppfinningamaður og ert að klára að fullkomna ljósaperuna. Þá ertu alltof seinn fíflið þitt!!!

Og af veðri:

Stormviðvörun er í gildi fram yfir innrásina í Norman...

...afsakið þetta er löngu úrelt veður.

Gott veður verður í sólarlöndum og rigning eða skýjað í Englandi
en það var löngu vitað.

Yfirbaukur fær ekki nógu mikið borgað til að lesa fleiri fréttir
að sinni.

p.s. Allar athugasemdir um fréttaflutning eru nú vel þegnar eða
með öðrum orðum viljið þið drullast til að kvitta!!!!!

Gjaldmiðillinn í Perú er gúllas

Mon, 30 Oct 2006 22:08:11 GMT

Nú verður lesin lýsing á áfanganum Lygar, prettir og vinnusvik

102 fyrir rafvirkja á 3. önn. Sögumaður er Yfirbaukur.

Í fréttum er þetta helst.

Málfræðinefnd Biskupstólsins á Hólum hefur bætt viðauka inn í íslenska fallbeygingu þ.e.a.s. fimmta fallinu. Það er svokallað frjálst fall og fellur það eingöngu að geðþótta hvers og eins hvernig og hvers vegna hann kýs að nota það. Með þessu er hægt að útrýma landlægri farsótt sem menn hafa hingað til kallað þágufallssýki því nú er alltaf hægt að bera fyrir sig frjálsu falli.

Nú stendur yfir keppni söngvara um titilinn Skallapoppari Íslands. Kependur eru fjórir að þessu sinni, þeir Bubbi Morthens, Magni Ásgeirsson, Egill Ólafsson og Eiríkur Hauksson. Ekki er hægt að gera upp á milli keppenda að svo stöddu en Egill Ólafsson er talinn eiga minnsta möguleika.

Mjólkurkýr í Suður-Múlasýslu hóta verkfalli ef aðbúnaður í fjósum verður ekki bættur til muna. Þær segja óásættanlegt að ekki sé gengið betur frá skólpfrárennsli og ekki sé hægt að búa við það að ekki sé málað oftar í framandi litum og innréttað af og til. Þær hafa líka þvertekið fyrir það að tala á nýársnótt fyrr en fyrsta lagi árið 2012.

Afsöguð haglabyssa tapaðist á hlaupum einhversstaðar á leiðinni frá Landsbankanum við Austurstræti og upp í Breiðholt. Finnandi er vinsamlegast beðinn að skila henni til lögreglu. Vegleg fundarlaun.

Menntaskólinn á Akureyri auglýsir eftir nýjum fugli á logo skólans en gamla uglan ruglaðist og var send á bugl.

Ekkert hefur enn spurst af Búkollu en leit stendur enn yfir. Leitarflokkurinn samanstendur af bóndasyninum Jóni en hann hefur nú reikað um hálendið síðan seint á síðustu öld.

Sjávarútvegsráðuneytið hefur nýverið gefið út viðbótar kvóta sem nemur 120 þús. tonnum af gullfiski og 80 þús. tonnum af plokkfiski. Kvóti á soðinni ýsu og harðfiski stendur í stað.

Gils Búi Hrafnsson frá Hrafnagili hefur áunnið sér keppnisrétt á alþjóðaleikum dyravarða í Katmandu. Þar keppir hann fyrir Íslands hönd í sinni sterkustu grein, útvarpi án atrenu.

Eiturefnaslys varð í metangasvinnslustöð áburðarverksmiðjunnar í Gufunesi á þriðja tímanum í dag. Loftur Trausti framkvæmdastjóri segir að þetta hafi átt sér stað þegar reyna átti að vinna metangas úr ólífrænt ræktuðum kúaskít í staðinn fyrir hefðbundna mykju. Lyktin sem lagðist yfir nærliggjandi íbúðabyggð er talin svo sterk að íbúar í Grafarvogi og Mosfellsbæ verði með permanett fram yfir jól.

X-leikar nagdýra standa nú yfir í millivegg í gömlu fjölbýlishúsi í vesturbænum. Þar er meðal annars keppt í spretthlaupi frá eldhúsbekk og undir hurð. Engin met hafa fallið ennþá en mjög tæpt var þegar síðasti keppandinn var búinn ruslapokanagi.

Músin Úlfar býr sig undir sina grein.

Emúinn hefur nú sagt skilið við geitina og verið á vappi um miðbæinn á Djúpavogi. Ekki er vitað hvar geitin er niðurkomin, allar ábendingar eru vel þegnar.

Emúinn á ferð um Herðubreiðarlindir.

Þá að veðri:

Þjóðin verður alveg uppveðruð út næstu viku.

Yfirbaukur hefur nú lesið fréttirnar betur en öll hin skiptin.

p.s. Kameldýr, kameldýr munið Nick Nolte myndatökurnar, henta við öll tækifæri.

Flottur tappi. Nolte-mynd af kameldýri frá Spáni

p.p.s. Allar athugasemdir um betrumbætur á fréttaflutning Yfirbauks eru mjög óæskilegar.

Neibb ekki enn nógu langt til Húsavíkur

Mon, 23 Oct 2006 23:20:40 GMT

Í fréttum er þetta langskemmtilegast!! HEY

Í dag voru gerðar breytingar á hegningarlögum og eru þau núna í G-moll.

Eftir áralanga vinnu hefur stærðfræðingurinn Ragnar Agnar Magnason (lesist mjög hratt) reiknað það út að stærðfræði er í rauninni úrelt formtúlkun á raunveruleikanum. Þessu komst hann að þegar hann sat undir eplatré og fékk bananaklasa í hausinn. Ekki er talið að apinn sem var í trénu tengist þessu á nokkurn hátt.

Nokkuð hefur borið á því að rjúpur hafi sótt um skotvopnaleyfi hjá lögreglustjóra síðastliðna viku. Flestum hefur verið hafnað um þann munað en tvær rjúpur hafa þó fengið leyfið gegn því loforði að skjóta ekki á grandalausa rjúpnaveiðimenn. Ekki er vitað um að veiðimenn hafi komið með skotsár til byggða en átján veiðimanna er saknað síðan á fimmtudag.

Orðið á götunni er að rokkkóngurinn, sjálfur Elvis Presley sé að fara að koma með comeback á vormánuðum. Illa hefur gengið að ná í hann til að fá þetta staðfest.

Samgönguráðuneytið auglýsir lausa stöðu vitavarðar í Garðskagavita. Æskilegt er að viðkomandi sé svona táfýlukall um fimmtugt. Einnig er laus staða hálfvitavarðar á Kleppi.

TÝNDUR!!!

Kettlingurinn Snúlli ráfaði frá heimili sínu fyrir tveim árum. Talið er að hann hafi átt nokkuð óuppgert við hundaklíku í Árbænum. Hann er mjög gæfur og mannýgur og latur. Finnandi er vinsamlegast beðinn að skila honum til Jafets á Kirkjubæjarklaustri eða kalla út Landhelgisgæsluna. EKKI undir neinum kringumstæðum gefa honum tópas.

Snúlli 6 vikna

Ekki hefur neitt spurst af geitinni og emúfuglinum í nokkra daga en líklegt er að þau hafist við í yfirgefnum gangnamannakofa í Loðmundarfirði.

Aðalfundur Nasistafélagsins JóNas fer fram á sunnudaginn. Venjuleg aðalfundarstörf auk minnihlutaníðs og heimsyfirráðaáætlanna. Kaffi og rjómapönnukökur á eftir.

Veðurfregnir:

Veðurstofa Yfirbauks hefur frestað öllu veðri á landinu þessa vikuna sökum manneklu. Vona að veðurleysið fari ekki illa í skapið á mönnum

Yfirbaukur las fréttir. Ekki reyna að gera betur af því þið getið það ekki!!! múhaha

p.s. Gamall elgur sem er kominn með leið á lífinum leitar að veggplássi hjá góðri fjölskyldu. Egilsstaðir koma ekki til greina.

Elgurinn Aðalbjörn þungt hugsi.

Farlægðin gerir fjöllin blá en ekki nógu langt til Húsavíkur

Thu, 19 Oct 2006 22:37:35 GMT

Nú verða lesnar síðbúnar hádegisfréttir.

Borið hefur á talsverðum heyrnarskaða á hundum á Brekkunni á Akureyri upp á síðkastið. Hefur þetta vandamál verið rakið til hóps manna sem kemur saman tvisvar í viku og fremur frekar falskann og háværann gjörning. Kallast þessi hópur Karlakór Akureyrar-Geysir. Ekki er vitað til þess að þetta vandamál hafi komið upp á fleiri stöðum, eru hundar í Eyjafjarðarsveit almennt með mjög góða heyrn og mjög skapgóðir.

Hettumávar hafa hafið varnaraðgerðir gegn herskáum heimilisköttum. Þeir hafa fengið í lið með sér herdeild múkka sem búa yfir mjög illa lyktandi afbrigði af napalm-sprengjunni sem illfygli notuðu í Vietnam. Mávar og múkkar hafa herjað á kettina nú stanslaust í þrjá sólarhringa. Ekki sést fyrir endann á átökunum.

Óprúttinn úlfaldi í húsdýragarðinum tók sig til hrellti nágranna sinn, hestinn Jökul, á dögunum. Tók hann sig til og málaði fullt af svörtum röndum á hann. Brást Jökull hinn versti við þessu.

Hesturinn Jökull les úlfaldanum Sigurjóni pistilinn.

Óskað er eftir tveim gíröffum í viðgerðir á þaki og málningarvinnu í vesturbænum. Mega ekki vera lofthræddir. Góð laun fyrir rétta menn.. ég meina gíraffa. s.112

Mikill geitungafaraldur hefur verið á Fáskrúðsfirði í haust. Sumarliði Veturliðason bóndi segir að þetta sé afleiðing þess að láta geitur og aligæsir makast.

Eftir miklar rannsóknir hefur Kári Stefánsson komist að því Clark Kent og Superman séu einn og sami maðurinn. Kom honum þetta þó ekki mikið á óvart en hann sá allar myndirnar í bíó þegar hann var ungur. Næsta viðfangsefni hans er talið vera hver Batman sé.

Komið hefur í ljós samkvæmt leynilegum skjölum sem fundust við fornleifauppgröft að Hólum í Hjaltadal að það var í raun Lýðveldið Kongó sem fór með sigur í þorskastríðunum. Talið er að olíufélögin þrjú, Baugur og spaustofan tengist þessu samsæri. Samkeppnisstofun stendur í rannsókn málsins með dyggri aðstoð Hvanndalsbræðra.

Albert Tvístein tókst í gær að afsanna afsönnun sína á matseðli McDonalds. Hann tekur gildi aftur í fyrramálið fyrir utan súrar gúrkur en hann hefur afsannað þær fyrir fullt og allt.

Geitin og emúfuglinn dúkkuðu upp á Raufarhöfn laust fyrir hádegi í dag. Emúinn hafði frétt af góðum sálfræðingi þar sem gæti kannski breytt þessum ranghumyndum hans um alheiminn. Sálfræðingurinn var lagður inn á rannsóknarstofuna á Keldum strax um tvöleytið.

Sjóveðurspá:

Búist er við mjög breitilegu veðri á miðunum næstu þrjú árin vegna mikins raka í undirlaginu.

Yfirbaukur las fréttir af sinni alkunnu snilld.

p.s. Íslandsmótið í hlátri fer fram undir berum himni í Dyrhólaey á morgun. Keppendur eru Hemmi Gunn og Ómar Ragnarsson, veislustjóri er Rip Taylor.

Agli hlakkar til að naglalakka kakkalakka

Sun, 15 Oct 2006 23:42:58 GMT

Nú verða lesnar fréttir frá fréttastofu Yfirbauks.

Síðast liðinn fimmtudag fór fram hin árlega jarðarför Brjáns Briem í 13. skifti. Brjánn er því núverandi heimsmethafi í að vera jarður oftast en hann sló met ítalans heitins Luigi Funeretto en hann var jarðaður 12 sinnum.

Kanadíska riddaralögreglan á undir högg að sækja um þessar mundir. Vandamálið felst í þvi að framleiðandi rauðu stakkanna þeirra er farinn á hausinn og enginn annar kann uppskrifina af þeim. Verið er að leita af klæðskerum með þessa sérfræðikunnáttu án nokkurs árangurs.

Stjórnandi The Royal Philharmonic Orchestra var bráðkvaddur á æfingu sveitarinnar fyrir um hálfum mánuði. Stjónandalaus sveitin hefur haldið æfingunni áfram stjórnlaust síðan þá. Prófessorar innan bresku tónlistar akademíunnar eru að leita leiða til að stöðva þennan ófögnuð.

Stökkbeytt kameldýr hafa verið að sækja í sig veðrið í Norður-Alsír. Þau eru talin búa yfir talsverðu magni af kjarnavopum samhliða mjög fullkominni tækni í dulmálssendingum í gegn um harmonikkuleik. Geggjað

Mófuglum er bent á að varst eskimóa.

Samtök herskárra heimiliskatta, skammstöfuð S.Í.B.S. eru að vígbúast og hyggjast ráðast inn í Varpsvæði hettumáva ekki er vitað hvaða ástæða býr að baki.

Brandur yfirhershöðingi þegar hann birti mér stefnu samtakanna.

Geitin sem ég sagði frá síðast er stungin af til Húsavíkur og er þar í slagtogi við Emú-fugl sem hefur miklar ranghugmyndir um alheiminn. Saman reka þau áróðurstefnu um innflutning á krókódílum.

Hálfbróðir Albert Einsein, Albert Tvístein sem hefur helgað líf sitt því að afsanna reglur og kenningar hefur tekist að afsanna afstæðiskenninguna, píþagóras-regluna, þyngdarlögmálið, Lögregusamþykkt Reykjavíkur og matseðilinn á McDonalds.

Fresta þarf tökum á næstu seríu af 24 til 2008 sökum óhagstæðs dagatals en serían á gerast 29. febrúar.

Yfirbaukur las fréttirnar og gerði það betur en síðast.

p.s. Lagleg stúlka óskast til að lesa veðurfregnir og sjóveðurspá.

RING RING RING RING RING RING RING banana phone!!!

Thu, 12 Oct 2006 01:29:23 GMT

Góða kvöldið nú verða lesnar bestu fréttir í heimi.

Nýkomið í hús... uh.. okkur voru að berast glæný úrslit úr 100m rifsberjahlaupi sveitarstjórnarmanna eldri en 50 ára, það var enginn í 1.-4. sæti. Næstur á eftir í 7. sæti var 3. bæjarfulltrúi nasistaflokksins á Djúpavogi. Hann var sá eini sem stóðst lyfjapróf fyrir stærðfræðiprófið sem hann tók í gagganum 1968.

Þjóðþekktur Íslendingur hefur sagt aukakílóunum stríð á hendur, vopnaður hríðskotariffli og fallbyssu. Mjög feitum einstaklingum er bent á að vera á varðbergi.

Nýlega í Suðaustur-Asíu hófst fengitími bæði melóna og vínberja. Fólk sem á leið um svæðið er vinsamlega beðið að fara varlega til að styggja ekki ávextina svo uppskeran verði góð.

Upp á síðkastið hefur orðið vart við flökkugeit á vergangi um efstu byggðir á Akureyri. Geitin er af mjög sjaldgæfu skosk-amerísku nautgripakyni og lítur svona út:

Geitin syngur ó borg mín borg í miklu ölæði í endur sýningu

Eigandi geitarinnar er vinsamlegast beðinn um að fjarlægja hana annars ætla ég að eiga hana.

Karlakór Kolbeinseyjarhrepps heldur tónleika í kaffistofunni hjá Möl & Sandi á sunnudaginn eftir laugardaginn. Fólki er bent á að mæta tímanlega því það eru bara 8 stólar.

Samkvæmt starfsmanni Gámasvæðis Akureyrarbæjar voru jól þriðjudaginn 10. október. Hannkomst að þeirri niðurstöðu þegar hann varð var við mikla snjókomu. Hann hefur nú fengið hjálp við að leysa úr sínum málum en talsmaður Akureyrarbæjar segir að maðurinn hafi verið alveg í "rusli".

Þennan dag árið 2137 fullkomnaði Meistari Jakob hönnun sína á timavélinni. Honum tókst hins vegar aldrei að nota hana sökum lélegs tímaskyns. Hún slær þrjú!!!

Þá er ekki fleira í fréttum okkar í ár, veri þið sæl og blessuð. Yfirbaukur las fréttirnar og enginn getur gert það betur.

p.s. AFSAKIÐ HLÉ

Undir háu hamrabelti... ... liggur bíll sem niður velti.

Fri, 22 Sep 2006 12:23:26 GMT

Þá er komið að smá innskoti upphaflega ættuðu frá Hallgrími Pétursyni og er eitthvað á þá leið:

Víst ávallt þeim vana halt
að vera hress og drekka malt.

jæja annars finnst mér umræðan hér orðin frekar dauf svo nú verður blásið til vísukeppni.
Einkun og úrslit verða verða ekki dæmd á hlutlausan hátt.

Mundi Muscle er hættur í bili en hefur þó ekki sagt sitt síðasta orð.

p.s. Hvað rímar við Ekvador?

Það má hver sem er vera með svo framarlega sem viðkomandi komi með fyrri part á einhvern.

Þetta er sko alvöru landbúnaðar tæki, segi ekki meir.

Hver myndi ekki vilja vinna í heyskap á svona tæki.

Ég er hvorki fugl né fiskur. Ég er FUSK!!!

Mon, 11 Sep 2006 23:35:05 GMT

Jæja þá er komið að því að gera síðastliðinni viku góð og greinileg skil í þessari auðmjúku en ofsafengnu frásögn.

Í þessum töluðu orðum er nýskriðinn undan húddinu á toyotunni og ef það er eitthvað sem ég hata meira en grænmeti og ávexti þá eru það sleiktir boltar og sleiktar rær(með því er ég ekki að meina einhver sóði hafi sleikt boltann í orðsins fyllstu merkingu heldur þegar fíflið sem reyndi síðast að losa viðkomandi bolta hefur snúið sexkantinn á boltanum, sem undir öllum eðlilegum undirstöðum gengi að samsvarandi lykli, alveg gjörsamlega kringlóttan. En hvað með það, varð bara að létta þessu af mér.

En nú, síðasta vika var frekar blaut, þær hafa verið blautari en þessi var aðeins yfir meðallagi blaut.
Það var bjór með sjónvarpinu á bæði þriðjudags og miðvikudagskvöld. Á fimmtudag fór ég á rúntinn á BRONCO með Grétari og félögum. Um ca fimmleytið eða 1700 opnuðum við Ebbi, aka Björgunarsveitin Einar, fyrsta bjór á meðan Þór og Ketill voru að skrattast á einhverri tölvu. Síðan var haldið á Finnastaði og að sjálfsögðu var farið stóra hringinn þar sem ég setti óskráð Íslandsmet í píkuskrækjum bassa af yfirlögðu ráði í vægum torfæruaksti. Á leiðinni var að sjálfsögðu opnaður annar baukur. Eftir komuna á Finnastaði hófst síðan alþjóðlegt kappakstursmót í tölvuleiknum Flatout, þó svo að keppendur hafi allir verið innan vinahópsins. Bjórdrykkju var síðan viðhaldið jafnt og þétt til svona cirkabát 2100 en þá var haldið í bæinn og borðaður kvöldmatur, frekar kaldur, stuttu seinna var ég dottinn útaf.

Á föstudag fórum við Nonni minn í bíó á Jón Pál. Það er hreinlega ekki til nógu sterkt og yfirgripsmikið lýsingarorð til að lýsa honum til fulls. En ég myndi frekar vilja glíma við jakuxa, hýenu og Afríkufíl á sterum frekar en að leggja í Jón Pál. Síðan fórum við til Jóns og drukkum bjór til svona 0200.

Laugardagurinn sem upphaflega átti að vera rólegur og fara í bílaviðgerðir en NEI!! það plan snerist í góðar 180° þar sem ég endaði svo út úr kortinu að ég var eiginlega kominn ínn á hitt kortið. Það byrjaði á pizzu og øl heima hjá Diddu. Að því liðnu fórum við Jón og Fabio í teitið hans Matta, óvenjulega myndarlegir allir með sléttað hárið HAHA!!! en þar spilaði Jónbjörg stórt hlutverk. Síðan drukkum við meiri bjór og fórum aftur til Jónbjargar. Þar leit margt mjög kengruglað dagsins ljós. Svo að við stiklum bara á stóru steinunum þá gerðist þetta: Jón datt í baðið, Fabio læddist að Írisi og öskraði með þeim afleiðingum að það seig eitthvað yfirborðið í glasinu hjá henni, Ella settist í skítuga stólininn fyrir utan íbúðina í hvítum buxum(trúðu mér hvít föt og fyllerí fara undantekningalaust aldrei saman), Bjarki braut krukku fulla af grjóti. Annað stórvægilegt man ég ekki til að geta sagt frá því. Einhvern tíman í framhaldi af þessu var síðan haldið á öldurhús bæjarins, Kaffi Amour til að vera nákvæmur, þar rakst ég Gilla sem ráfaði milli heims og helju í ölvímu og bauð honum á barinn til að bæta ástandið á honum hmm?? Til varnaðar þeim sem eru að lesa ráðlegg ég ykkur eindregið gegn því að panta 2faldan gin og 2faldan dooley's í magic. Það lítur út eins og einhver hafi borðað þorramat og kókómjólk og ælt síðan í glasið, semsagt ekki girnilegt.
Síðan frétti ég af mér seinna um kvöldið á KaffiAk en veit ekki hvað er til í því.

Sunnudagurinn fór síðan í ekki neitt þar sem ég þynntist bara sem á leið daginn og ég var farinn að hrjóta uppúr 2100.

Þá finnst Hr. Yfirbauk nóg komið af krassandi lygasögum í bili og hefur lagt frá sér pennann.

p.s. Hvernig væri svo að fara að skilja eftir komment, það er enginn að segja að þau þurfi eitthvað að tengjast umræðuefninu þó að það sé alls ekki verra.

Sæðishrútar er númeraðir undir 34

Mon, 04 Sep 2006 20:03:53 GMT

Jæja herrar mínir og frúr, pjakkar og pjötlur.

Mér er alveg lífins ómögulegt að skilja af hverju það er alltaf einhver ein kind miklu heimskari en hinar.

Síðan ég sagði frá síðustu afrekum mínum hefur margt gáfulegt og ógáfulegt drifið á daga mína.

Við skulum hespa þessu ógáfulega frá í hvelli. Það er meðal annars og aðallega síðastliðið fimmtudagskvöld. Það fólst að mestu í einum bjór sem síðan fór aðeins úrskeiðis, þróaðist síðan yfir í danskan vodka og var síðasti sopinn sopin um hálfsex sem útskýrir fullkomlega af hverju ég mætti hvorki í grunnteikningu né elðisfræði, síðan vaknaði ég upp úr tíu og við Jón fórum í skólan langan veg frá því að vera orðnir allsgáðir. Þegar ég kom í skólan komst ég að því mér til mikillar skelfingar að ég átti ekki að mæta í tíma fyrr en 1315. Svo slæman dösnkutíma hefur enginn maður upplifan síðan kennurum var settur stóllinn fyrir hurðina með að berja nemendur. Það eru ekki einu sinni til frásagnir af svo slæmum atburðum í Íslendingasögunum og þó voru menn þar bæði höggnir í herðar niður og brenndir inni.

Skömmu seinna ver síðan rennt í sveitina þar sem til stóð að smala á laugardegi, fara svo á hraustegt fyllerí og gera síðan sem minnst á sunnudegi.(las í einhverri bók að maður ætti að halda hvíldardaginn heilagan) Síðan gripu grimm forlögin inní og sökum þoku var ekki hægt að smala heiðina á laugardegi. Það hindraði hins vegar ekki bjórdrykkju um kvöldið og eftir stuttan svefn var ræs og ekki leið á löngu fyrr en gengið var af stað. Afleiðing mikilla rigninga síðustu 10-12 daga var þyngsta færi sem ég hef nokkurn tíma gengið í. Mýrarnar sem eru yfirleitt ekki nema rétt upp á ökkla voru upp fyrir mið stígvél, móarnir eins og gengið væri á blautum svampi og stærstu þúfurnar voru eins og hólmar í stóru fljóti. Þetta lét maður nú samt ekki draga úr sér og voru gengnir um 20km fyrir hádegi. Eins og alltaf var ein skjáta sem neitaði að fara inn í rétt á sama tíma og hinar og við littla gleði mína þurfti ég að hlaupa.

Prik helgarinnar fær Bjössi á Stöng fyrir fjárburð, þegar sláturlömb og ókunnugt fé var komið í hús og djöfullega gekk að reka síðustu ána í rétta kró greip kappinn á það ráð þegar hún ætlaði að hlaupa fram hjá honum að grípa í hana síðan lyfti hann þessari líka stóru og feitu kind upp eins og nýbornu lambi, bar hana yfir í næstu kró og henti henni yfir garðann í rétta kró. Enn betra var svo að sjá svipinn á öðrum fílelfdum köppum þegar þeir hörfðu upp á verknaðinn.

Mínusstigið fá þeir bændur Siggi og Jóki fyrir að missa sama lambið í gegnum klofið á sér, ekki annað hægt en að hlæja af þeim.

Þá er Yfirbaukurinn hættur að smala saman frásögnum í bili. 10-4

p.s. Biskupseistað er langbesti bitinn á allri skepnunni

Betra er að sprengja kínverja en tyrkja

Wed, 30 Aug 2006 17:34:21 GMT

Jæja góðir hálsar og Börkur. Síðan ég leit hér inn síðast hefur eitt og annað drifið á daga mína. Þar ber hæst að nefna að ég borðaði egg í Staðarskála um daginn og hef ekki fengið Lasagne (lesist lasanja) í matinn síðan áður en ég bloggaði síðast. Af gefnu tilefni skora ég því á fólk að bjóða mér í mat og hafa Lasagne (skýring er ofar í textanum) og eitt enn ekki fá ykkur egg í Staðarskála.

Og úr einu yfir í annað, þetta með álpappírinn í færslunni hér á undan er ennþá í fullu gildi.

En hvað sem því líður og ég lem hausnum á mér við stein (hornsteinn er mjög ákjósanlegur kostur en annars má líka nota legstein eða Þorstein) þá verð ég að sætta mig við þá fólskulegu staðreynd að ég er byrjaður í skóla á ný. Sem leiðir þar aftan af sér að ég er hættur hjá því blessaða fyrirtæki Sandblástur og málmhúðun. Sem á sýnum tíma var stofnað af þeim mannréttindasinnum og þrælasölum Jóhanni Sebastian Sprakk!!! og Gretti Sterka einhavern tíman í kring um kristburð. En þrátt fyrir þennan útúrdúr sér hvert mannsbarn (sem á annað borð sér eitthvað), fyrst maður er nú hættur að vinna hvað það er nú æðislegt að vera kominn í skóla. Fyrst að þið viljið nú endilega vera tala um skóla þá get ég sagt ykkur það í sambandi við metnað minn í tengslum við menntun hefur nýlega fallið eitt glæsilegt og persónulegt met. Núna er ekki liðin heil vika síðan kennsla hófst og er ég nú þegar búinn að skila einu heimaverkefni og búinn að kaupa allar bækur, en það hefur aldrei komið fyrir mig áður.(Metið hefur verið staðfest af mér, aðstoðarhúsverði framkvæmdamiðstöðvar Akureyrarbæjar og formanni Bridds-klúbbs eldri borgara Hofsósi með fyrirvara um að ég hafi kannski gleymt einni bók en verið er að fara yfir lista um heppilega blóraböggla. Þeir sem koma sterklega til greina eru Geirmundur Valtýs, Woddy Allen og George NæstBest.)

Þar sem við erum nú alveg gríðarlega ánægðir með að vera komnir í skóla skulum við ekki tala meira um það og tala í staðinn um síðustu helgi sem á sinn hátt var mjög góð og mjög slæm. Svo sem ekkert mikið frá því að segja svo að helgarpistillinn verður í formi stikkorða:
Bjór, suður, vinstri, Hannes, bjór, sólon, Kaptain Morgan, syngja, bjór, taxi, sofa, vakna, borða, sund, bjór, pool, samloka, bjór, bjór, bjór, laugavegur, bjór, Örn Arnarson, sólon, pizza, taxi, sofa, vakna, hitt vinstri ... þarna erum við komin á miðjan Laugardag og ég nenni ekki að segja meira frá helginni, þið verðið bara að giska á rest.

Núna langar mig að segja frá einu af mínum aftirlætum sem eru fallegir, illa hirtir, óræktaðir og forljótir Redneck-garðar. Þeir innihalda yfirleitt gamla bíla sem liggja eihverstaðar undir illgresinu og hafa ekki séð sólskin í 20 ár. Ég ætla að kvetja alla sem eiga/vita um garð (búseta innan lóðarmarka ekki skylda né heldur nokkur tengsl við íbúa) að gera sér Redneck-garð, engin garðvinna bara að týna til fullt af drasli, mér gengur bara vel. Er kominn með tvo jeppa, eina fúna og ryðgaða kerru sem stendur dekkjalaus og frístandandi 8-gata vél og skipting. Það er verið að fá fjölskyldumeðlimi til að hætta að slá.

Og eitt áður en við hættum, vildi minna menn á að mig langar ennþá í Lasagne.

Lag dagsins: Að sjálfsögðu mótorsport-lagið eins og alla aðra daga.

Maður dagsins: Þeir eru tveir í dag bræðirnir Kofi Annan og Kofi Þriðja

Jæja Yfirbaukurinn kveður með handabandi, verði þér að góðu

p.s. Allir að syngja með mótorsport laginu hér er textinn

dudu dudu du du dudu dudu du du...

...og LASAGNE

Búmmsjakalaka!!!!

Sun, 18 Jun 2006 22:52:13 GMT

Jæja nú er kallinn orðinn tvítugur, og fátt sem á annað borð er löglegt hér á klakanum sem ég má ekki gera sökum aldurs þ.e.a.s. nema keyra rútu, stórt mótorhjól og bjóða mig fram til forseta. Jæja látum þetta duga í bili, reyni að vera duglegur bráðlega við að blogga.
Yfirbaukur og út.

p.s. Ef þú gleymir álpappírnum þegar þú ferð í sumarbústað er bara hægt að drekka sig svo kengfullan að upplýsingarnar sem geimverurnar ná að lesa eru óskiljanlegri en ritgerð á kínversku eftir lesblindan sextíu og þriggja ára gamlan meindýraeyði sem í ofanálag er svo rangeygður að stílabókin er auð og skrifborðið allt út krassað.